Psa 29:3-9 | SwhNEN | STEP | Sauti ya Bwana iko juu ya maji; Mungu wa utukufu hupiga radi, Bwana hupiga radi juu ya maji makuu.

Psalms 29:3-9

3 ^aSauti ya Bwana iko juu ya maji;
Mungu wa utukufu hupiga radi,
Bwana hupiga radi juu ya maji makuu.

4 ^bSauti ya Bwana ina nguvu;
sauti ya Bwana ni tukufu.
5 ^cSauti ya Bwana huvunja mierezi;
Bwana huvunja vipande vipande
mierezi ya Lebanoni.
6 ^dHufanya Lebanoni irukaruke kama ndama,
Sirioni ^{▼▼Yaani Mlima Hermoni.} urukaruke kama mwana nyati.
7 ^fSauti ya Bwana hupiga kwa miali
ya umeme wa radi.
8 ^gSauti ya Bwana hutikisa jangwa;
Bwana hutikisa Jangwa la Kadeshi.
9 ^hSauti ya Bwana huzalisha ayala,
na huuacha msitu wazi.
Hekaluni mwake wote wasema,
“Utukufu!”